Мајнц суспендираше фудбалер поради објава поврзана со војната меѓу Израел и Хамас
Германскиот фудбалски клуб Мајнц го суспендираше денеска холандскиот напаѓач Анвар ел Гази (28) поради „неприфатлива“ објава на социјалните мрежи во врска со војната меѓу Израел и движењето Хамас.
Мајнц на својот официјален сајт објави дека го „разрешил Анвар ел Гази од неговите обврски за тренинг и натпревари“ поради објавата која ја сподели на социјалните мрежи во неделата, а потоа ја избриша.
Германскиот клуб не наведе што пишувало во објавата, ниту пак кога фудбалерот ќе се врати на клупските обврски.
„Во објавата, Ел Гази изнесе мислење за актуелниот судир на Блискиот исток кое клубот го смета за неприфатливо. Пред донесување на одлуката, клубот и играчот одржаа темелен разговор“, објави Мајнц.
Претходно денеска францускиот клуб Ница го суспендираше својот играч Јусеф Атала, кој, наводно, споделил видео на социјалните мрежи со антисемитска содржина во врска со судирот во Израел и Појасот Газа.
Ново на Сител
-
Сиљановска Давкова ги прифати оставките на Комисијата за помилување
-
Бајден се надева дека последните израелски напади врз Иран ќе бидат „крај“ на директната размена на оган меѓу двете земји
-
Колективна оставка на Комисијата за помилување
-
Најмалку 81 лице го загуби животот во бурата „Трами“ на Филипините
-
Момче пријавило напад и повреда со остар предмет во Карпош, приведен малолетник
-
Пронајдена дрога во Битола, приведени две лица
-
Направени се вонредни инспекциски надзори на неколку универзитети
-
Приведен криумчар на мигранти во близина на селото Богородица