Специа избори прво учество во Серија А

Фудбалскиот клуб Специја избори историски пласман во Серија А. Клубот кој е основан во 1906 година, во баражот успеа да биде подобар од Фросиноне благодарение на резултатот во регуларниот дел од сезоната и за првпат ќе игра во прволигашкото друштво.

Специја загуби на домашен терен во реваншот со 0:1, а бидејќи првиот меч на теренот на противникот го добија со 1:0, решаваше пласманот на табелата во Серија Б.

Сезоната Специја ја заврши на четвртото, а Фросиноне на осмото место.

Покрај Специја пласман во Серија А изборија Беневенто и Кротоне.

По натпреварот навивачите низ градските улици го славеа пласманот меѓу италијанската елита.