Спасовски во Љубљана на средба со словенечкиот министер за внатрешни работи Боштјан Поклукар
Министерот за внатрешни работи Оливер Спасовски денеска и утре предводи делегација од МВР во работна посета на Љубљана, Словенија, на покана од словенечкиот министер за внатрешни работи Боштјан Поклукар.
Како што соопшти МВР, Спасовски денеска ќе присуствува на Церемонијата по повод 50 - годишнината од систематското регрутирање на полицајци, некогаш наречени милиции. Притоа, двајцата министри ќе остварат тет-а-тет средба, по што следи билатерална средба помеѓу македонската и словенечката делегација.
Во оваа прилика, двајцата министри ќе потпишат Меморандум за обезбедување развојна помош помеѓу МВР на Северна Македонија и МВР на Словенија за Одделот за воздухопловни единици. Притоа, министрите ќе дадат изјава на прес-конференција за словенечките медиуми.
Истиот ден, министерот Спасовски ќе го посети конзуларното одделение во Амбасадата на Северна Македонија во Љубљана, со цел увид во процесот на сликање и издавање на патните исправи, како и делење на пасоши на иселениците.
Во текот на вечерта, министерот Спасовски ќе присуствува на настан под покровителство на Амбасадата на Северна Македонија, а по повод одбележување 30. години отворена прва амбасада во светот по независноста и осамостојувањето на нашата држава.
Спасовски утре ќе ја посети словенечката Единица за воздухоловна полиција.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан