СП ватерполо: Хрватска ја надигра и Унгарија во финалето

Ватреполистите на Хрватска се новите светски прваци откако синоќа во финалето на 17.то Светско првенство во спортови на вода во Будимпешта го совладаа домаќинот Унгарија со 8:6 пред 8.000 бучни унграски навивачи. Резултат по четвртини: 4:0; 0:2; 2:2 и 2:2. Ова за Хрватска е втор златен медал на Светските првенства по 2007 година во Мелбурн. На патот до првото место во нок аут фазата Хрватска ги победи Италија во четвртфиналето и Србија (досегашниот светски првак) во полуфиналето.

Популарните „баракуди“ одлично го почнаа финалето и по првата четвртина водеа со 4:0, но домаќинот до средината на третиот период успеа да изедначи на 4:4. Сепак, Хрватска повторно дојде до водство (7:4), кое не го испушти до крајот на дуелот. Најефикасен на фуналето беше Сандро Сукно со 3 голови, додека голманот на Хрватска Марко Бијач имаше 11 одбрани. 

Во натпреварот за бронзениот медал Србија ја победи Грција со 11:8.