Советот на Општина Битола утврди Програма за социјална заштита во 2020 година
Советот на Општина Битола донесе одлука и усвои Програма за социјална заштита која ќе се реализира во 2020 година, а се темели на пет посебни активности од областа на социјалната заштита.
Првата активност „Доделување еднократна парична помош“ ќе ја користат физички лица во социјален ризик, погодени од елементарни непогоди и други лица што имаат потреба од социјална помош, втората активност „Социјална заштита на стари лица“ вклучува нега и грижа на стари и изнемоштени лица без семејна грижа во домашни услови, додека третата активност „Ран детски развој“ е фокусирана на деца Роми од три до пет години и подигнување на свеста кај родителите за важноста на предучилишното ниво на образование, но и основно, средно и високо образование за Роми.
Според одлуката на битолските советници, во 2020 година ќе се мобилизира работата на Регионалниот ресурсен центар за слепи лица и ќе се иницира подобрување на инфраструктурата во институциите со кои контактираат лица со попреченост и изградба на пристапни рампи.
Во програмата за социјална заштита посебно важен е делот насочен кон „Намалување на сиромаштијата и социјална исклученост“ и тоа ќе биде реализирано со отварање на современи урбани центри во повеќето урбани заедници заедници во градот.
За реализација на програмата Советот на Општина Битола обезбеди 5,3 милиони денари.
Ново на Сител
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...
-
ЕК го прогласи веб сајтот за е-трговија „Шејн“ за „многу голема онлајн платформа“
-
Пожар избувна во куќа зад Универзална
-
Во Атина уапсени двајца членови на меѓународната криминална група „Пинк Пантери“
-
На Клиниката за токсикологија ноќеска пукнала цевка од парно
-
Малолетник се сомничи дека извршил обљуба врз малолетничка од Струмичко
-
Израелски цивил убиен во северен Израел