Состојба со Ковид-19 во светот до 17 часот
Според најновите податоци, во светот досега се регистрирани 964.639 лицa заразени со новиот коронавирус. Од нив починати се 49.242, а оздравеле 203.274 луѓе.
– Од половина од човештвото е побарано да остане дома поради пандемијата на новиот коронавирус.
– Бројот на смртни случаи во Холандија се зголеми за 166 на 1.339, соопштија здравствените власти. Бројот на заразени е зголемен за осум проценти на 14.697.
– Италиjaнскиот производител на луксузни автомобили Ламборгини денеска соопшти дека почнал да произведува маски и медицински визири.
– Саудиските власти од денеска воведоа 24-часовен полициски час во Мека и Медина.
– Автоиндустријата во Романија сака да учествува во производство на опрема и медицински производи, како маски, комбинезони и средства за дезинфекција, и ќе учествува во проект за создавање на респиратор, наменет за болните од Ковид-19.
– Франција ќе национализира стратешки компании, ако е неопходно, за да ги заштити од влијанието на кризата со коронавирусот.
– Американската агенција за кризни ситуации (FEMA) нарача од Министерството за одбрана 100.000 вреќи за тела. Во САД се очекуваат меѓу 100 и 200 илјади починати од коронавирусот.
– Девет водечки европски универзитетски болници предупредија дека за две недели ќе недостасуваат основни лекови за лекување на пациенти кои се тешко болни од Ковид-19.
Ново на Сител
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место