Состојба со Ковид-19 во светот до 17 часот
Според најновите податоци, во светот досега се регистрирани 885.346 лицa заразени со новиот коронавирус. Од нив починати се 44.214, а оздравеле 185.215 луѓе.
– Пандемијата на коронавирусот го намали загадувањето на воздухот во светот, но малку ќе влијае на заштитата на климата, предупреди претставник на Светската метеоролошка организација.
– Германија ќе ги продолжи мерките против ширењето на новиот коронавирус до крајот на велигденските училишни празници, односно до 19 април.
– Во Швајцарија во последните 24 часа се регистрирани 963 новозаразени случаи со Ковид-19.
– Бројот на смртни случаи во САД од коронавирусот надмина 4.000 лица.
– Според последните податоци во Белгија за едно деноноќие починале 123 луѓе, во Холандија 134, во Австрија 18, во германија 27, во Португалија 27, а во Шведска 59.
– Сенегал соопшти за првиот смртен случај од Ковид-19 во земјата. Папе Диуф, поранешен претседател на францускиот фудбалски клуб Марсеј и некогашен спортски новинар, почина од инфекција со коронавирус.
– Јапонија ја продолжи забраната за влез на патници од 73 земји и регионот, со цел да го спречи ширењето на коронавирусот.
– Неколку десетици американски студенти кои се вратиле од пролетниот одмор, кој го поминале во исто одморалиште на мексиканска плажа, биле позитивни на тестирањето за новиот коронавирус.
Ново на Сител
-
Прес-конференција на Коцевски
-
Филипче: Со ново задолжување од 6 милијарди евра јавниот долг ќе надмине 115% од БДП
-
Предлогот Трајко Славески да биде гувернер е во Собранието, ВМРО-ДПМНЕ ќе го поддржи
-
СДСМ: Предлогот Трајко Славески да биде Гувернер значи погребување на последната независна институција
-
Каја Калас утре во Скопје, Мицкоски ќе ја пречека со веќе познатите ставови за уставни измени
-
Повеќе од 2000 претставки минатата година пристигнале на адреса на Народниот правобранител
-
Преглед на вестите од светот
-
Трајко Славески предлог на претседателката Сиљановска Давкова за нов гувернер на НБРМ