Солун и Атина денеска без служби за достава
Доставувачите на храна и брза пошта, како и надворешните соработници на компаниите задолжени за дистрибуција со мотоцикли во Грција, од утрово започнаа 24-часовен штрајк, поради што Солун и Атина денеска се без служби за достава.
Како што јави дописничката на МИА од Атина, вработените во конкретната област бараат службени мотоцикли и опрема за лична заштита, како заштитен шлем, панталони, јакна, ракавици и чизми, со цел да се намалат повредите и смртните случаи.
Денешниот штрајк, како што соопштуваат, е против украдените работни часови, против искористувањето и потценувањето и против теророт од сопствениците, но и за да го кренат гласот за достоинство и во знак на почит кон загинатите колеги на нивните работни места.
Преку постер со пораката „Во четврток на 11 април, не нарачувај“, објавен на социјалните мрежи, се упатува повик за солидарност со штрајкувачите. На сите оние што ги користат доставувачите на храна им се нуди рецепт за сами да подготват макарони.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка