Собранието го донесе ребалансот на Буџетот за 2016
Собранието на Република Македонија денеска во рамки на 111.седница со 55 гласа „за“ и 23 против го донесе ребалансот на Буџетот за 2016 година. За буџетот не гласаа пратениците од опозицијата. Во рамки на неколкудневната општа расправа по предлогот пратениците од СДСМ и други опозициски пратеници истакнаа дека не се согласуваат со предложениот ребаланс зашто во него е содржана и еврообврзницата која, според нив, е незаконски издадена.
Ребалансот на Буџетот предвидува намалување на вкупните приходи од 177,292 милиони денари на 174,291 милион и на вкупните расходи од 196,276 на 195,472 милиони.
Дефицитот е ревидиран од 18,984 на 21,181 милион денари.
Без расправа Собранието на денешната седница ги донесе и Предлог законот за ратификација на измените и дополнувањата на Конвенцијата за заедничка транзитна постапка, предлог одлуките за објавување јавен оглас за именување на претседател, заменик претседател и заменик член на Комисијата за решавање на жалби во областа на енергетиката, за избор на член на Советот на јавни обвинители и за именување на член на Комисијата на Агенцијата за пошти.
Во моментов започна расправа по предлогот Костадин Кизов, дипломиран правник со положен правосуден испит да биде избран за член на Судскиот совет на РМ, утврден од Комисијата за прашања на изборите и именувањата на Собранието на РМ.
На дневен ред на 111. седница се и Предлог законот за изменување на Законот за државниот испитен центар, по скратена постапка, како и Годишниот извештај за работата на Судскиот совет на Република Македонија за 2015 година.
На денешната седница се и неколку ратификации на спогодби на Владата на Република Македонија со владите на Виетнам, Италија и Србија.
Пратениците ќе расправаат и по измените и дополнувањата на Законот за здравственото осигурување, на Законот за градежно земјиште, на Законот за административни службеници и на Законот за спортска академија, сите по скратена постапка.
Ново на Сител
-
Тема на денот со Герард Кестел, Меѓународниот институт за социјални студии во Холандија
-
Средба Николоски-Караџов: Брзо да се финализира договорот за изградба на железнички тунел
-
Кочовска: До овој момент нема понуда за пругата од Коридорот 10
-
Лидерска средба ЕУ – Западен Балкан во Скопје, аналитичарите не очекуваат исчекор во македонските евроинтеграции
-
Филипче во Берлин ќе лобира против „современ“ македонски јазик
-
ЗНАМ до средината јули ќе ги објави кандидатите за градоначалници
-
По одлуката на Уставен, ВРЕДИ и ДУИ се судрија за пописот во 2021
-
Пазарниот инспекторат констатирал зголемување на цените во маркетите, но не биле повисоки од пред замрзнувањето