Со указ на Путин, Русија станува сопственик на украинската нуклеарка Запорожје
Рускиот претседател Владимир Путин со указ објавен денеска нареди преземање на украинската нуклеарна централа Запорожје и впишување во сопствеништво на Руската Федерација.
Најголемата централа во Украина со месеци е под окупација на руската војска, а украинската настојува да ја поттисне.
„Владата на Руската Федерација треба да обезбеди нуклеарниот објект на нуклеарната централа Запорожје и друг имот неопходен за спроведување на нејзините активности, да бидат примени во федералното сопствеништво“, се наведува во указот, јави руската новинска агенција Тасс.
Указот доаѓа во време кога шефот на Меѓународната агенција за атомска енергија, Рафаел Гроси информираше дека тргнува во посета на Украина, а потоа и на Русија, со цел да разговара за воспоставување заштитна зона околу нуклеарната централа Запорожје.
„На пат сум кон Киев поради важни состаноци. Потребата за заштитна зона околу централата е поитна од кога било“, напиша Гроси на Твитер, додека Русија формално го присвои објектот.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица