Со дрога фатен шофер на МНР во Охрид, дрогата ја носел во Скопје - Случајот се крие

На 16 април полицијата во Охрид со дрога фатила шофер од МНР кој се обидувал да ја пренесе во Скопје. Станува збор за извесен Ќ.Б., објави порталот МКД.

Тој наводно бил фатен со уште едно лице, а возилото „рено“ e службено возило на МНР, дознава МКД.мк.

Случајот го нема во билтенот на МВР. Очигледно поради сензитивноста на случајот, официјални информации за овој случај досега нема. Нема ни официјални одговори на прашањата што се пратени до МНР.

Она што е уште поинтересно во целиот случај е што дури на 21 мај охридската полиција испратила официјално писмо до МНР во кое се бара појаснување за тоа дали лицето Ќ.Б. тој ден (16 април) бил службено ангажиран и дали го управувал возилото со патен налог. Од тогаш молк на сите страни.