Надзорните камери снимија непознати сторители како користат украден багер за грабеж на банкомат покрај дуќан во Лондондери, јавува Би Би Си.
На видеоснимката се гледа како со багер ја пробиваат безбедносната врата, а потоа го разбиваат и го корнат банкоматот од ѕидот. Инцидентот се случил во гаража околу 4.30 часот во неделата.
Крадците, банкоматот откако го урнале со багерот го пренеле во автомбил „цитроен берлинго“. На снимката се гледа дека во кражбата учествувале повеќе маскирани сторители.
Грабежот траел само четири минути. После тоа автомобилот заминал од гаражата со банкоматот кој ѕиркал од дупката на покривот.
Тоа е последна во низата кражби на банкомати од двете страни на ирската граница, а полицијата на Северна Ирска изјави дека се работи за осми таков инцидент во 2019 година.
„Ќе има се помалку и помалку банкомати поради овие напади. Речиси вакви кражби на банкомати почнаа да се случуваат секојдневно“, рече сопственикот на дуќанот Мартин Окејн.
„Веројатно нема повторно да има уште еден банкомат, а загубата најмногу ќе ја почувстува локалната заедница“, заклучи тој.
