Сметководител украл околу 177 илјади евра од нотарката за која работел во Скопје
Основното јавно обвинителство Скопје поднесе обвининение против сметководител поради проневера во служба на 10.913.195 денари (околу 177 илајди евра). Обвинетиот неовластено пополнувајќи и имитирајќи го потписот на оштетената нотарка потпишал 211 налози за пренос на парични средства. Парите ги префрлал од сметката на нотарката на сметка на својата сопруга.
– По спроведување на истражната постапка, обвинителството утврди дека обвинетиот водејќи сметководство на нотарска канцеларија во Скопје, во периодот од 28 април 2016 година до 28 ноември 2019 година, со намера за себе да присвои противправна имотна корист присвоил пари кои му биле доверени во службата во значителна вредност од 10.913.195 денари, информираат од ЈО Скопје.
Од Обвинителството објаснуваат дека обвинетиот средствата ги префрлал од оперативни сметки на нотарот од повеќе различни банки на банкарска сметка која нотарката ја имала во една банка, во која и сопругата на обвинетиот имала сметка.
– Потоа обвинетиот ги префрлил паричните средства од сметката на нотарката на банкарската сметка на неговата сопруга, од каде како овластен потписник ги подигнал во готово паричните средства, информираат од ЈО Скопје.
Ново на Сител
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет