Словенија поддржува „ковид пасоши“
Словенија изрази поддршка за „ковид пасоши“, додека европските министри денеска започнаа дебата за идејата, иницирана од грчкиот премиер Кирјакос Мицотакис, јави словенечката агенција СТА.
Гашпер Довжан, државен секретар на Министерството за надворешни работи за европски прашања, ја поддржа идејата за европски сертификати за вакцинација, кои, како што рече, може да зајакнат четири европски слободи во согласност со принципите на правото на ЕУ, соопшти словенечкото Министерство за надворешни работи.
Премиерот Јанез Јанша неодамна рече дека потврдата за вакцинација што го олеснува прекуграничното патување нема да биде необична, бидејќи некои земји веќе бараат доказ за вакцинација против одредени заразни болести пред да им дозволат на патниците да влезат.
Неговата канцеларија го повтори тој став денеска, наведувајќи дека Јанша „веќе јасно стави до знаење дека мисли дека тоа ќе се случи порано или подоцна“.
„Премиерот претходно оцени дека пасошите за вакцинација ќе бидат од корист за сите“, велат од неговиот Кабинет за СТА.
Ново на Сител
-
Променливо облачно, во западните и крајните источни делови со локален дожд
-
Нa Табановце и Богородица за излез од земјава се чека 30 минути
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник