Словачка испраќа дополнителни војници на границата со Украина

Словачка ќе испрати дополнителни војници на границата со Украина, соопшти министерот за одбрана Јарослав Над, истовремено нагласувајќи дека нема непосредна воена закана за Словачка.

– Зајакнувањето на военото присуство на украинската граница, која е и надворешна граница и на ЕУ и на НАТО, главно ќе биде направено за поддршка на полицијата, рече Над, пренесува ДПА.

– Распоредивме 1.500 членови на вооружените сили за контрола на нашата источна граница, рече министерот, потврдувајќи и дека има планови за испраќање војници од други земји на НАТО во Словачка во блиска иднина. – Сепак, ова сè уште е предмет на дискусија со сојузниците, додаде Над.

Според видеа објавени на социјалните мрежи, веќе почна бранот бегалци од Украина кон Словачка.

Словачката гранична полиција и МВР во Братислава, пак, соопштија дека состојбата на граничните премини е мирна.