Слаб снег провејува на Попова Шапка, Крушево, Плетвар и Пресека

Сообраќајот на државните патишта се одвива непречено во зимски услови, по претежно влажни коловози. Слаб снег провејува на Попова Шапка, Крушево, Плетвар и Пресека.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.