Скопјанец одгледувал марихуана во село Долно Мелничани
Дебарското одделение за внатрешни работи, кое со својата активност ја покрива општина Центар Жупа, поднесе кривична пријава против скопјанец, кој во куќа сопственост на неговата мајка, во село Долно Мелничани, општина Центар Жупа, одгледувал марихуана.
– Поради постоење основи на сомнение за сторено казнено дело „неовластено производство и пуштање во промет на наркотични дроги, психотропни супстанции и прекусори“ ОВР Дебар поднесе кривична пријава против О.З.(45) од Скопје. При претрес извршен на четврти овој месец, во куќа, сопственост на неговата мајка, во селото Долно Мелничани, општина Центар Жупа, полициските службеници пронајдоа насади со 24 стебла од растението канабис, информираше Стефан Димоски, портпарол на Секторот за внатрешни работи од Охрид.
Додаде дека полициските службеници пронашле и пет стебла насадени во пластични саксии, кои пријавениот ги одгледувал и со чија обработка, може да се добијат производи кои се користат како опјна дрога-марихуана и хашиш.
Според Димоски, на О.З. одредена му е мерка притвор до 30 дена.
Во однос на сообраќајот, тој рече дека вчера од 10 до 15 часот, при извршени сообраќајни контроли, полициските службеници регистрирале и санкционирале двајца пешаци поради небезбедно преминување улица односно преминување коловоз надвор од пешачки премин.
Ново на Сител
-
Тема на денот со Весна Бендевска, потпретседателка на ЗНАМ
-
Гаши поднесе оставка во Алтернатива, утре ќе биде избран за собраниски спикер
-
Заседава раководството на СДСМ - Ковачевски нема да се кандидира, неколкумина подготвени да влезат во трка
-
ДИК го отфрли приговорот на ДУИ
-
Претседателката ќе го почитува Уставот
-
ВМРО-ДПМНЕ, Вреди, ЗНАМ пред финален договор - распределени министерствата и претседател на Собранието
-
ДИК одлучува за гласањето во Желино
-
Пукање на Пластичарска: Еден загинат, двајца ранети