Бизнис
18. September 2020 - 19:43

Скалеста помош за компаниите во новиот пакет помош за кризата

Помошта за компаниите ќе зависи од загубите што ги имаат. Премиерот Заев откри како ќе изгледа државната поддршка за стопанството. Оние фирми кои имаат поголеми загуби ќе добијат поголема поддршка. Мерката од исплата на минимална плата од страна на државата за зачувување на работните места ќе важи и во иднина, но ќе биде различно димензионирана.

Проценките се дека до крајот на овој месец изгубени ќе бидат над 20.000 работни места заради кризата. Премиерот вели дека Владата ќе даде поддршка за газдите кои ќе вратат на работа отпуштено лице.

Државата ќе гаранатира и за компаниите да можат последно да добијат кредити од домашните банки, а четвртиот пакет мерки ќе обезбеди парична поддршка за поголем број граѓани со пониски примања.

Пакетот е најавуван од формирањето на Владата, последната информација е дека ќе биде усогласен до крајот на идната недела.