ОН: Сите страни во сириската војна се виновни за злосторства против човештвото
Во затворите и во логорите за заробеници во Сирија се применува тортура и за тоа се одговорни и опозициските и терористичките групи, вклучително и Исламска држава и владините сили, се наведува во извештајот на Комисијата на ОН за истрaга и прекршување на човековите права во Сирија, пренесува БТА.
Во извештајот објавен денеска во Женева опфатен е периодот од март до ноември 2015 година. Тој специјално е посветен на положбата на затворениците и заробениците. Сириските власти се обвинуваат за убиства на илјадници уапсени лица, што се оценува како злосторства против човештвото.
ИД исто така извршувала такви злосторства, убивајки и мачејќи затвореници.
Во извештајот се наведува дека сириските бунтовници и екстремистичката органзиација Фронт ал Нусра, сириски огранок на Ал Каеда, убивале затвореници, но во помал степен.
- Смртните случаи во затворите обвиени се со тајност и во голем степен остануваат непознати за меѓународната заедница, се истакнува во извештајот на ОН.
Исто така се додава дека во секој момент сириската Влада на Башар ал Асад во затвор држи десетици илјади луѓе. Истрагата покажала дека затворениците гинат не само при егзекуции, туку и од мачење, глад или не пружање на медицинска помош.
- Официјалните лица на нависоки позиции во Владата знаат за таквите злосторства или обвиненија за злосторства извршени од нивните потчинети, но ги игнорираат таквите информации. Поради тоа Советот за безбедност треба да одобри санкции против виновниците и да покрене обвиненија во Меѓународниот кривичен суд во Хаг против нив, се посочува во извештајот.
Ново на Сител
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“