Сириската опозиција ги поддржа на мировните преговори во Астана

Сириската опозиција денеска соопшти дека ќе ги поддржи преговрите за ставање крај на војната во Сирија меѓу властите во Дамаск и бунтовничките групи, што треба да започнат на 23 јануари во казахстанскиот главен град Астана.

Мировните преговори за Сирија во Астана ќе се одржат под покровителство на Русија, Турција и Иран.

Во денешното соопштение на Високиот комитет за преговори, во кој се вклучени најголемиот број од сириските опозициски групи, се изразува надеж дека преворите во Астана ќе доведат до зацврстување на кревкото примирје во Сирија.

- Напорите за оставрување успешни резултати од преговорите во Астана, може да го трасираат патот за политичките прегоовири предвидени за во Женева во февруари, се наведува во соопштението на Комитетот, издадено по средбата на сириските опозициски групи што се одржа денеска во саудискиот главен град Ријад.