Силен земјотрес регистриран во Тихиот Океан, во близина на Папуа-Нова Гвинеја

Силен земјотрес со интензитет од 6,8 степени според Рихтеровата скала е регистриран во Тихиот Океан, во близина на градот Рабаул, во Папуа-Нова Гвинеја, пренесоа британските медиуми, повикувајќи се на американскиот Геофизички институт.

Епицентарот на потресот бил на 89 километри североисточно од Рабаул, на островот Нова Британија, и бил на длабочина од 499 километри.

Засега нема никакви информации за жртви или разурнувања и не е издадено предупредување за опасност од цунами, информира ТАСС.