Силен земјотрес го погоди Бразил

Земјотрес со интентитет од 6,4 степени според Рихтеровата скала го погоди Бразил во близина на границата со Перу, соопшти Геофизичкиот институт на САД.

Епицентарот на земјотресот бил на 130 километри југозападно од Таруака, на длабочина од 603 километри.

Нема информации за евентуални жртви или за причинета материјална штета.

Во таа област вчера беа регистрирани два силни земјотреси. Првиот со интензитет од 7,5 степени беше регистриран на територијата на Перу, на 173 километри северозападно од градот Иберија. Вториот земјотрес беше со интензитет од 5,9 степени според Рихтеровата скала и тој исто така беше регистриран во Перу.