Сијарто: Европската безбедност почнува во Африка
За да се отстранат причините за миграцијата, треба да се вложат напори да се стабилизира политичката и економската состојба во Африка, изјави денеска во Брисел унгарскиот министер за надворешни работи Петер Сијарто.
Коментирајќи го претстојниот самит на Европската унија и Африка, што ќе биде одржан кон крајот на месецот, Сијарто, наведе дека Унгарија го поддржува насочувањето на економската и инвестициската политика на Унијата кон афиканските земји.
- Европската безбедност почнува во Африка, нагласи унгарскиот министер за надворешни работи.
Тој истакна дека „на патот кон Европа се движат десетици милиони лица“ од Африка, опишувајќи ги како „очајни маси кои сакаат побезбеден и подобар живот“.
- Кога станува збор за програмите на ЕУ за Африка, од клучно значење е да се воведат строги задолжителни услови поврзани со финансирањето, констатираше Сијарто.
Тој објасни дека безбедносните ризици константно се зголемуваат во земјите каде пристигнуваат мигрантите.
- Ние не сакаме да станеме земји на мигранти, сакаме да се заштитиме и ќе се заштитиме, потенцираше Сијарто.
Шефот на унгарската дипломатија заклучи дека од европските земји се очекува тие да се прилагодат на мигрантите кои пристигнуваат во Европа, наместо да е обратно, оквалификувајќи го тоа како „тажната состојба на работите“.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран