Шведската полиција со предупредување за предизвик наречен – „допирање“ на ТикТок
Шведската полиција издаде соопштение во кое предупредува на вознемирувачки предизвик на социјалните мрежи. Тоа е предизвик во кој момчињата се поканети да ги „допираат“ девојчињата, да го снимат тоа, да го објават или да го испратат на други“. Полицијата ги повикува возрасните да пријават сомнителни злосторства, а предупредувње е испратено и до училиштата.
Шведските медиуми пишуваат дека ова е вознемирувачки предизвик на „ТикТок“ наречен „допирање“ (GROPE). Имено, од учесниците се бара да ги допрат девојките на 15 април, да го снимат и да го споделат видеото на социјалните мрежи. Не е јасно до кој степен се шири оваа информација, а полицијата се уште верува дека е потребно предупредување.
„Причината зошто сакавме да излеземе во јавноста и да предупредиме е да го свртиме вниманието на родителите на фактот дека однесувањето на родителите може да биде кривично“, изјави Мануел Фирмо, вршител на должноста заменик началник на локалниот полициски округ во Содермалм во Стокхолм, објави Афтонбладет.
„Младите не знаат какви се последиците, но на тоа гледаат како на забавна работа. И тогаш гледаме дека родителите можат да ја искористат можноста да разговараат со своите деца за тоа што е легално и што е соодветно“, вели тој.
Повикот првенствено беше раширен во форма на таканаречен „предизвик“ во апликацијата ТикТок. Платформата, која минатата година имаше 500 милиони корисници ширум светот, се користи за снимање на филмски клипови од 15 секунди.
Досега полицијата не добила никаква пријава дека некој снима нешто од овој тип.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот