Швајцарија од Грција ќе преземе 22 деца бегалци без придружба
Со 1,1 милион швајцарски франци и со преземање на 22 деца бегалци без придружба, Швајцарија ќе ѝ помогне на Грција во бегалското/мигрантското прашање, по вчерашниот телефонски разговор на министрите од двете земји надлежни за миграција.
Алтернативниот министер за миграција и азил на Грција Јоргос Кумуцакос и министерот за миграција на Швајцарија Марио Гатикер се договориле, швајцарската Влада, преку Црквата на Грција, УНХЦР и Црвениот крст да помогне со 1,1 милион франци за подобро управување на прашањето со децата бегалци без придружба.
– Господинот Гатикер истакна дека швајцарската Влада високо ги цени работата и ефективните напори на грчката Влада, во рамките на нејзината меѓународна активност за заштита на децата мигранти без придружба и општо за решавање на миграциското прашање, се наведува во соопштението на Министерството за миграција и азил на Грција.
Гатикер и Кумуцакос се договориле, на 7 мај да се одржи работна видео-конференција на техничко ниво за детелите околу швајцарската помош за Грција.
Во рамките на европскиот план за релокација на 1.600 деца бегалци без придружба од грчките острови во Европа, досега од Грција заминаа 62 деца, 12 за Луксембург и 50 за Германија.
Ново на Сител
-
Македонија со победа над Полска ги заврши евроквалификациите во кошарка
-
Дамјан Стојановски стави крај на репрезентативната кариера
-
Трамп вели дека Путин би прифатил европски мировници
-
Украинскиот и европските министри за одбрана се обидоа да ги усогласат ставовите околу условите за мир
-
Макрон гледа „значителен напредок“ за Украина по средбата со Трамп
-
Британската Влада не ја сака Русија во Г7 додека трае војната во Украина
-
Трамп: Нема да дозволиме да се дојде до трета светска војна
-
Известувачот на Европскиот парламент Томас Вајц на средби во македонското Собрание