Шумски пожари во Калифорнија, евакуација на 250.000 луѓе
Три масивни шумски пожари беснеат во северна Калифорнија. Пожарникарите се обидуваат да го спречат ширењето на пожарот, а речиси 250.000 луѓе се во процес на евакуација.
– Ова е еден од најмрачните периоди низ кои минуваме, изјави заменик-шерифот на Санта Круз, Крис Кларк.
Како што пренесуваат странските агенции, безживотното тело на 70-годишен маж, чие исчезнување беше пријавено минатата недела, е пронајдено во планините на Санта Круз, јужно од Сан Франциско. Тој е седма жртва на повеќе од 650 пожари во Калифорнија за една недела.
На терен има 14.000 пожарникари, 2.400 противпожарни возила и 95 авиони Канадери, кои постојано се справуваат со пожарот.
Според надлежните, сите пожари избувнале по удар на гром, кои од 15 август биле околу 12 илјади.
Условите се погодни за натамошно ширење на пожарот затоа што температурите се високи, влажноста е мала, грмотевиците се чести, а ветерот достигнува брзина и до 65 милји на час (околу 105 километри на час).
– Создадени се сите предуслови за ситуацијата овде да биде пеколна, предупреди Марк Брантон, командант на противпожарна бригада во Калифорнија.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење