Шумски пожари беснеат во Канада - изгорени се околу 3,8 милиони хектари шумско земјиште

Стотици шумски пожари и денеска продолжуваат да беснеат низ Канада, заканувајќи се да ја уништат критичната инфраструктура и да го принудат на евакуација загрозеното население додека облак од отровен воздух се шири над американските градови.

Шумските пожари се вообичаени во западните провинции на Канада, но оваа година огнената стихија се појавила и на истокот на земјата.

Веќе изгореа околу 3,8 милиони хектари шумско земјиште, што е околу 15 пати повеќе од просекот во 10 години, изјави федералниот министер за вонредни состојби Бил Блер.