Шулц: На Европа и се заканува распаѓање, мора да ја зачуваме
Претседателот на Европскиот парламент, Мартин Шулц денеска изјави дека на ЕУ и се заканува распаѓање и дека сите оние кои ја поддржуваат Унијата мора да се борат за нејзин опстанок.
Коментирајќи го неодамнешното предупредување на шефот на луксембуршката дипломатија Жан Аселборн дека ЕУ може да се распадне, Шулц потврди дека ЕУ е во опасност бидејќи „постојат сили кои се обидуваат да ја урнат“.
- Никој не може да каже дали ЕУ ќе постои уште 10 години. Доколку сакаме да опстане мора силно да се бориме за тоа, истакна Шулц во интервју за германскиот весник „Велт“.
Тој не прецизирал што точно и се заканува на Унијата, но најмногу се осврнал на мигрантската криза, која оваа година го ставила на искушение европското единство и толеранција.
Мигрантската криза ја подели ЕУ, при што германската канцеларка Ангела Меркел се залага за прифаќање на поголем број Сиријци, а лидерите на поранешните комунистички земји во источна Европа се против планот на Унијата според кој мора да примат одреден број баратели на азил. Со одлуката на некои земји повторно да воведат контроли на границите во опасност е и Шенген зоната.
Ново на Сител
-
Општина Чаир го осудува нападот врз Арсовска, нагласува дека никој од институцијата не е поврзан со настанот
-
Приведени девет лица во акција за сузбивање на трговија со луѓе, меѓу жртвите има и малолетни лица | ВИДЕО
-
Лице од Скопје уапсено во Дебар бидејќи ја принудувал малолетната ќерка да питачи
-
Градоначалничката Арсовска нападната во Чаир при извршување на работни задачи
-
Косовскиот парламент не успеа да се конституира нитy по 45-ти пат
-
Куманово објави оглас за работно ангажирање на 30 пожарникари
-
ЦУК: Активни четири пожари на отворен простор, шест локализирани и два под контрола
-
29 надгробни плочи и споменици оштетени во рок од два дена на гробиштата во Ѓорче Петров