Шулц ги проблематизира роковите за визната либерализација на Турција
Претседателот на Европскиот Парламент, Мартин Шулц, изјави дека Турција треба колку што е можно поскоро да почне со исполнување на поставените услови од Европската Унија, затоа што во спротивен случај воведувањето на безвизниот режим може да биде ставено под прашање, пренесе ТАСС.
-Турција досега не исполни важни услови за воведување на визните слободи. Ние очекуваме Анкара да направи измени во законите за заштита на податоците и за борбата со тероризмот. Под итно треба да почен дебатата во турскиот Парламент за овие измени, рече Шулц во интервју за германскиот весник „Велт ам зонтаг“.
Шулц подвлече дека доколку тоа не се случи, европските институции нема да можат од октомври да ги укинат визите за турските државјани , како што беше рвично предвидено.
Турскиот претседател Реџеп Таип Ердоган претходно се закани дека ќе престане да ја спроведува спогодбата за бегалците, додека ЕУ не го придвижи прашањето за укинување на визите.
Шулц во интервјуто искоментира дека „заканите не се адекватен политички метод“.
Укинувањето на визите за турските државјани е дел од спогодбата, постигната на 18 март на самитот Турција-ЕУ. За безвизниот режим да може да влезе во сила, Анкара треба да ги исполни сите неопходни критериуми. Главен проблем е турскиот закон за борба со тероризмот, што предвидува и ограничување на работата на медиумите. Брисел инсистира на олеснување на овие одредби, но Анкара не се согласува со тоа.
Ново на Сител
-
30 ромски семејства кои престојуваа во населбата „Прилепска“ во Кичево добија социјални станови
-
Литургија по повод 25 години од востоличувањето на г.г Стефан за поглавар на МПЦ-ОА
-
Преглед на вестите од светот
-
АХВ нареди нови мерки на Струмички Комуналец
-
Освен казни, Пазарна ќе запленува и роба ако продолжат прекршувањата на владината мерка
-
Тема на денот со Никола Димитров
-
Поплаки и оваа година за дел од таксистите
-
Ристески: Новиот Закон за работни односи после 7 години ќе излезе од фиока