Штипскиот градоначалник во посета на збратимениот град Сплит
Соработката меѓу збратимените Сплит и Штип се зајакнува, ова е договорено на средбата на штипскиот и сплитскиот градоначалник, на прославата на патронот на Сплит, „Свети Дуе“. Градоначалникот на Општина Штип, Благој Бочварски е во дводневна посета на Сплит, од каде што најави дека веќе е договорена соработка на неколку полиња.
–Веќе остваривме контакти на ниво на кабинети на Штип и Сплит во делот на културата ние имаме фестивал „Макфест“ , а тие го имаат сплитскиот фестивал, во делот на економијата и во делот на искуствата на добивање на европски проекти и поддршка, рече Бочварски.
Сепак, интересот на Штип , не се ограничува само на Сплит. Бочварски посетата ја користи и за средба со други градоначалници, кои се дел од прославата во Сплит.
–Ние како општина сме претставени добро и остваруваме контакти и со други градоначалници од Полска, Чешка и Германија кои се овде и верувам дека после 30 години ова пријателство ќе го надоградуваме, изјави Благој Бочварски градоначалник на Штип.
Општините Сплит и Штип договор за збратимување имаат потпишано во 1980 година.Ова е прв обид после подолг период соработката да се подигне на повисоко ниво.
Ново на Сител
-
Пониква станува рехабилитациски центар за повредените од трагедијата во Кочани
-
Маринците пристигнаа во Лос Анџелес, но сè уште немаат наредба да интервенираат
-
Бројот на жртвите од масакрот во Грац се искачи на 11
-
Црвениот тепих од Канскиот фестивал се продава по едно евро за килограм
-
Витаминот Д може да спречи 30.000 смртни случаи од рак годишно, покажуваат истражувања
-
Тежина, звук и дамка: Клуч за избор на совршена лубеница
-
ЈСП Скопје: Средношколците имаат право на бесплатен јавен превоз за време на летниот распуст
-
Кривична против 29 годишник, при претрес пронајдени се автоматска пушка, пиштол и 1.167 куршуми | ФОТО