Шпанија го презема претседавањето со ЕУ
Шпанија денеска го презема од Шведска ротирачкото претседавање со Советот на Евопската унија.
Новото шпанско претседателство соопшти дека првата нивна активност е посетата на премиерот Педро Санчез на Киев за да се покаже поддршката на ЕУ за Украина во сите области: воена, хуманитарен и економски.
Еден од приоритетите на шпанското претседавање, кој завршува на 31 декември, ќе биде да се зајакне заложбата за стабилизација, закрепнување и реконструкција во Украина.
– Војната во Украина ќе биде еден од главните приоритети на нашето претседателство, со фокус на гарантирање единство меѓу сите земји-членки, изјави Санчез пред заминувањето за Киев.
Со шпанското претседателство започнува да функционира и новата претседателска тројка, вклучувајќи ја Белгија која ќе претседава во првата половина и Унгарија во втората половина на следната година.
Тројката дефинира долгорочни цели и подготвува заедничка програма со која се дефинираат темите и главните прашања со кои Советот ќе се занимава во период од 18 месеци.
Ова е петто претседавање со Шпанија, која стана членка на ЕУ во 1986 година.
Таа за прв пат претседаваше во 1989 година, потоа во 1995, 2002 и 2010 година.
Ново на Сител
-
Црна Гора го одбележува Денот на државноста
-
Повредени 12 лица во Атина откако паркиран џип почнал да се движи и удрил во ресторан
-
Уапсен крадец во Велес, извршил повеќе кражби во еден ден
-
ОЈО: Пред убиствата вујкото му ја препишал куќата на внукот, имало неразрешени семејни недоразбирања
-
Во куќата на убиецот се пронајдени трите тела во Прилеп - Фрлил бомба кон полицијата пред да се самоубие
-
Рускиот министер за надворешни работи пристигна во посета на Кина
-
За осум часа 128 сообраќајни прекршоци на територија на СВР Скопје
-
Сиљановска-Давкова на отворањето на „Охридско лето“: Во фестивалот се вткаени цели епохи на музичката, драмската и ликовната уметност