Шилегов: Изненаден сум од евтините ветувања за целосно бесплатен јавен транспорт

Одговарајќи на новинарско прашање што мисли за изборната понуда за бесплатен јавен превоз, градоначалникот на Скопје Петре Шилегов одговори рече дека тој е изненаден од ваквата понуда.

„Јас сум изненаден за некој што се себе си се претставува за добар менаџер, како така напамет дава ветувања. Трошоците на јавниот транспорт во градот Скопје изнесуваат околу 30 милиони евра годишно. Основниот буџет на град Скопје е 80 милиони евра годишно. Ако градот го земе буџетски да го финансира целокупниот јавен превоз, тогаш со што ќе се финансираат останатите активности на градот?“, кажа Шилегов.

Според градоначалникот Шилегов, некој што себеси се претставува дека е менаџер, барем треба да има основни знаења, и познавања за овие категории, потоа да дава ветувања, коишто се очигледно лажни, и очигледно популистички.

На крај на одговорот, Шилегов укажа дека е запрепастен од евтините ветувања, популизмот, и непознавањето на основните работи за јавниот превоз во Скопје.

„Евтините ветувања и популизмот, јас навистина сум запрепастен, како некој се себе претставува за менаџер, без да ги знае основните работи на јавниот превоз во Скопје“, рече Шилегов.