Шест лица од Старо Нагоричане им помагаат на старите и изнемоштени во општо-корисна работа

Шест невработени лица од Општина Старо Нагоричане им помагаат на старите и изнемоштени во оваа општина во рамки на проектот „Еднакви можности за сите возрасти“, што го спроведува во рамки на програмата за општинско-корисна работа која е дел од проектот „Креирање можности за работа за сите“ .

Координаторот на проектот, Славка Стефановска Цветковска, информираше дека невработените лица ги посетуваат  старите и изнемоштени лица во општината и им помагаат во извршувањето на  секојдневни обврски, подготовка на оброци, набавка на намирници, на лекови.

„Идејата е невработените да им пружат помош во извршување на секојдневните обврски, да го организираат времето со нив и да им овозможат поквалитетен живот во третото доба, изјави Стефановска Цветковска

Проектот се спроведува со  поддршка на Владата во спроведување на Оперативниот план за активни програми и мерки за вработување и услуги на пазарот на труд за 2018 година, финасиран од Агенцијата за вработување на Македонија и УНДП. Вкупен буџет за реализација на активностите на проектот изнесува 324.000, денари што е обезбеден од  страна на АВРМ за ангажирање на лицата.