Шекеринска во трка за позиција во НАТО
Радмила Шекеринска е една од двете најсериозни кандидатки за заменична на новиот генерален секретар на НАТО Марк Руте објави европското издание на „Политико“.
Актуелниот заменик генерален секретар Мирчеа Џоана се очекува да се повлече за да учествува на претседателските избори во Романија во ноември велат функционери на НАТО за „Политико“.
Висок НАТО дипломатод Западна Европа вели дека има генерален консензус меѓу сојузниците дека за заменик на Руте треба да биде назначен источноевропеец.
Според „Политико“ разговорите во седиштето на НАТО во Брисел се околу две поранешни функционерки од Северна Македонија и од Бугарија.Позицијата најверојатно ќе и припадне на жена од Источна Европа, рече поранешната портпаролка на НАТО, Оана Лунгеску.
Руте треба официјално да стапи на функција на 2 ноември.
Името на поранешната министерка за одбрана, Радмила Шекеринска се споменува во круговите на НАТО според висок НАТО функционер. Ако биде назначена ќе биде највисок функционер од Западен Балкан во алијансата.
Другата кандидатка која се споменува е поранешната бугарска еврокомесарка Марија Габриел, според двајца НАТО функционери запознати со плановите, јави „Политико“.
Ново на Сител
-
Мицкоски: Бугарскиот парламент да го ратификува пристапниот договор па потоа уставни измени
-
Мицкоски: Да не се врши притисок врз Уставен
-
Анализа: Што ќе се случува со ЗЕЛС ако општините продолжат да ја напуштаат организацијата?
-
Владата ќе бара решение за да не пораснат функционерските плати
-
Многу жени не одат на закажан скрининг за рак на дојка – Пациенти со симптоми пак чекаат со месеци за мамографија
-
Ситуацијата кај Буково алармантна
-
Министерството за дигитална трансформација отвори прв општински центар за услуги
-
Петрушевски: Македонија нема 300 милиони евра за фрлање на автопат од само 10 километри