Шекеринска: Нема замрзнати конфликти, само замрзнати решенија
Вицепремиерот и министер за одбрана Радмила Шекеринска денеска, на традиционалната меѓународна конференција „Дубровник форум“, го поддржа ставот на бугарската министерка за надворешни работи Екатерина Захариева.
Потполно се согласувам со Захариева, рече Шекеринска пред присутните на Форумот, дека многу не критикуваа за Договорот со Бугарија, но сега граѓаните од двете земји сметаат дека тоа е гаранција за стабилност.
- Нема замрзнати конфликти, туку само замрзнати решенија, порача Шекеринска.
Захариева претходно во обраќањето, меѓу другото, ги поздрави своите колеги Никола Димитров и Никос Коѕијас за потпишувањето на Договорот за името на Република Македонија и посака успех на претстојниот референдум.
Форумот во Дубровник го отвори хрватскиот премиер Андреј Пленковиќ, а во фокусот на дискусиите е неопходноста Европа да зајакне и да се соочи со миграцијата, растот на популизмот и загрозувањето на нејзините основни вредности.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан