Шахпаска: Состојбата во градинките е стабилна, нема внатрешно ширење на вирусот меѓу децата
Состојбата поврзана со пандемијата предизвикана од коронавирусот во градинките е стабилна. Според податоците со кои располагаме, се покажа дека со почитување на мерките и протоколите се спречува внатрешно ширење на вирусот. Минатиот петок се забележани 34 нови позитивни вработени и само осум позитивни деца, изјави денеска министерката за труд и социјална политика Јагода Шахпаска.
Тврдењето дека состојбата е стабилна, како што рече, го темели на основа на сите досегашни податоци од отворањето на градинките.
-Пред фактите и бројките и боговите молчат. Во петокот имавме 34 нови позитивни вработени. Ако ви кажам дека бројката во претходните недели се движеше 58, 56 што значи скоро е преполовен бројот на позитивни и само осум нови позитивни деца. Стабилна е состојбата. Ширењето на инфекцијата меѓу децата во градинките досега не постоело и бројките одговараат на вкупната епидемиолошка состојба во државата, рече Шахпаска одговарајќи на новинарско прашање по увидот на изградбата на детска градинка во Драчево.
Таа додаде дека во прилог на тврдењето е и информацијата од општината Кисела Вода, каде во градинките во моментов нема ниту еден позитивен воспитувач, ниту едно позитивно дете.
-Ова говори дека со почитување на протоколите и препораките на Комисијата за заразни болести состојбата во градинките може да се одржува стабилна, нагласи министерката за труд и социјална политика.
Според неа, во моментов има 7500 слободни места за згрижување на децата, бидејќи од 21350 слободни места за сместување на деца по протокол, згрижени се 13400 дечиња.
Ново на Сител
-
Поплави во Романија се закануваат да го загрозат еден од најголемите европски рудници за сол
-
Црна Гора: Потврден случај на лептоспироза во Бијело Поље
-
Приведен 45-годишник, ја вознемирувал и навредувал поранешната партнерка
-
Истрагата за трагедијата во „Пулс“ заврши, испрашани 400 сведоци, 46 се осомничени
-
СДСМ: Селективност за перење на Христовски, зошто Обвинителството не побарало одговор до ETS?
-
ВМРО-ДПМНЕ: Вистината не може да се крие во недоглед, лагите на СДС испливуваат на површина и ги потврдуваат институциите
-
Построги казни во Грција за сообраќајни прекршоци
-
Завршува рехабилитацијата на магистралниот пат Охрид – Свети Наум