Свет
18. March 2016 - 8:37

Северна Кореја лансираше балистичка ракета

Северна Кореја денеска лансираше балистичка ракета во морето кај источниот брег, само неколку дена откако лидерот на земјата Ким Џонг Ун нареди понатамошни проби на нуклеарни боеви глави и ракети, соопшти јужнокорејското Министерство за одбрана. 

Портпаролот на јужнокорејското Министерство наведе дека ракетата е лансирана од Сукчон во југозападна Северна Кореја, пренесува Танјуг. 

Тој додаде дека ракетата минала 800 километри до Источното Море. 

Засега не е познато за кој тип на ракета станува збор.