Семинар за правата на децата со попреченост
Децата со попреченост низ лупата на Конвенцијата на ОН за правата на лица со попреченост, e тема на националниот семинар што ќе се одржи денеска во Скопје, во организација на Националниот совет на инвалидски организации на Македонија (НСИОМ), во соработка со Европскиот форум за попреченост (ЕДФ) и УНИЦЕФ.
Семинарот е во рамки на проектот „Заштита на децата од насилство и унапредување на социјалната инклузија на децата со попреченост во Западен Балкан и Турција“ финансиран од ЕУ и кофинансиран и имплементиран од УНИЦЕФ, заедно со ЕДФ.
- Децата со попреченост имаат потреба од сеопфатна и флексибилна поддршка за да учествуваат во општеството на еднаква основа со другите деца. Иако е направен значителен прогрес на ниво на регулаторната рамка, децата со попреченост се уште се соочуваат со значителни тешкотии во пристапот кон достапни и квалитетни сервисни служби. Исто така, насилството е секојдневна реалност за стотици деца во земјите во Југоисточна Европа, соопшти Националниот совет на инвалидски организации.
На семинарот ќе се обрати министерот за труд и социјална политкка Ибрахим Ибрахими.
Ново на Сител
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан
-
Поранешниот лидер на Златна зора, осуден за водење криминална организација, ќе биде пуштен од затвор
-
Курти: Ги исполнивме сите барања на ЕУ за укинување на рестриктивните мерки
-
АСО: Неоправдано и без основа зголемувањето на цените на осигурувањето од задолжителна автомобилска одговорност
-
Почина таткото на Тоше, Никола Проески