Семинар за ефикасно справување со криумчарење мигранти
Семинар на тема „Ефективна борба против криумчарење на мигранти“ наменет за судии и јавни обвинители од сите апелациски подрачја организира Академијата за судии и јавни обвинители „Павел Шатев“ и UNODC (Канцеларијата на ОН за дрога и криминал).
Примарната цел на UNODC во однос на фокусирање на шверцувањето на мигранти е да се промовира глобално почитување на Протоколот за шверцувањето на мигранти, кој што до денес брои 142 држави членки, и да им се помогне на државите во нивните заложби за ефективна имплементација.
Протоколот за шверцувањето на мигранти има за цел да го спречи и да се бори против шверцувањето на мигранти, заштита на правата на шверцуваните мигранти и промоција на соработката помеѓу Државите членки за таа цел.
Семинарот ќе обезбеди можност за дискутирање на најдобрите практики за подобрување на успешно гонење и пресуди во случаите на криумчарење на мигранти, со истовремена заштита на истите.
Вистински случаи од различна јурисдикција со сличен правен систем ќе се користат за да се истражат релевантните прашања во случаите на криумчарење на мигранти, вклучувајќи ги специфичните предизвици поврзани со вклученоста на организираниот криминал во шверцувањето на мигранти.
Излагања поврзани со темата на семинарот ќе имаат Димче Пажески, Јавен обвинител на Вишо јавно обвинителство Битола, Симона Рагаци, судија во Судот на Катанија – Италија, и Дарио Скалета, обвинител во Канцеларија на заменикот на обвинителот во Судот на Палермо.
Ново на Сител
-
Претседателката ќе го почитува Уставот
-
ВМРО-ДПМНЕ, Вреди, ЗНАМ пред финален договор - распределени министерствата и претседател на Собранието
-
ДИК одлучува за гласањето во Желино
-
Пукање на Пластичарска: Еден загинат, двајца ранети
-
Две сообраќајки за само 4 часа на влезот во Штип
-
Демири не знае од каде е смрдеата во хируршките сали – нема ни одговорност за крахот на системот
-
Демири се закани дека вработените во болницата во Лешок ќе останат без плата
-
ССМ: За една година трошоците за живот повисоки за 200 евра