Семејна драма во Џепчиште, син истепал татко
Со повреди по главата и исеченици на десната надлактица и десното рамо се здобил И.Л.(68) од тетовското село Џепчиште по семејното насилство што синоќа нешто пред 22 часот и 30 минути врз него го извршил неговиот син Е.Л.(33) со кого живееле зедно во иста куќа, информираше денеска портпаролот на СВР Тетово Марјан Јосифовски.
Според неговите податоци, таткото и синот започнале вербална расправија откако синот го паркирал возилото на тревникот во дворот од заедничката куќа. Расправијата брзо излегла од контрола по што синот најпрвин со тврд предмет повеќепати го удрил татко му по главата а потоа со остар предмет му нанел расеченици на десната надлактица и десното рамо.
Повредениот бил пренесен во тетовската клиничка болница од каде по укажаната помош бил пуштен на домашно лекување додека синот бил приведен во полициската станица Тетово и по извршениот разговор , во координација со јавниот обвините, бил пуштен.
На местото од инцидентот бил извршен комплетен увид при што биле подигнати траги за вештачење, а по утврдувањето на точниот вид на повредите и расчистување на целиот случај против синот ќе има соодветен поднесок, најави Јосифовски.
Според податоците на полицијата, во изминатите осум месеци од годинава на поширокото тетовско подрачје кривично пријавени се 39 случаи на семејно насилство во кои биле инволвирани 38 сторители. Јосифовски посочи дека при овие инциденти станува збор за посериозни случаи на ваков вид насилство со континуирано психичко и физичко малтретирање и со нанесување телесни повреди. Во истиот периодот во Полициската станица Тетово регистрирани се и 26 поплаки кои се однесувале на семејно насилство и кои биле заокружени со писмено или усно предупредување зашто жртвите не барале кривичен прогон туку насилниците само да бидат предупредени.
Ново на Сител
-
Бискупот Стојанов му го честита 25 годишниот јубилеј на Неговото блаженство г.г. Стефан
-
Мајка и ќерка пронајдени мртви во нивниот дом во Слатино, таткото и синот пренесени во болница
-
Ужас во Скопје: Роднина соблекувал малолетно девојче, па се самозадоволувал пред неа
-
Домашен миленик настрада од улични кучиња
-
Објавен извештајот за починатото 14-месечно бебе, еве ги деталите
-
Следува продолжен викенд: 11-ти Октомври неработен ден за сите граѓани на Македонија
-
Во изминатите четири дена во Грција биле откриени и спасени над 580 бегалци и мигранти
-
Доброволното противпожарно друштво – Кочани доби опрема како донација од Италија