Седници на три собраниски комисии

Во Собранието на Република Македонија денеска седници треба да одржат комисиите за политички систем и односи меѓу заедниците, за финансирање и буџет и Законодавно-правната комисија.

Членовите на Комисијата за политички систем и односи меѓу заедниците ќе го разгледаат Предлог законот за амнестија во прво читање, поднесен од 11.069 избирачи.

Членовите на Комисијата за финансирање и буџет ќе ги разгледуваат поднесените амандмани за измените на Законот за персоналниот данок на доход, на Законот за платниот промет и на Законот за задолжителни нафтени резерви, трите по скратена постапка и во второ читање. 

Закажани се и две седници на Законодавно-правната комисија на чиј дневен ред се предлог-законите за изменување на законите за персоналниот данок на доход, за платниот промет и за задолжителни нафтени резерви, сите по скратена постапка и во второ читање, како и Предлог-законот за амнестија поднесен од 11.069 избирачи.