Седници на три собраниски комисии
Во Собранието на Република Северна Македонија денеска седници ќе одржат комисиите за надворешна политика, за финансирање и буџет и за економски прашања.
Предлог – законот за ратификација на Договорот за соработка во туризмот помеѓу Владата на Република Северна Македонија и Владата на Република Косово, е единствена точка по која ќе расправаат на седницата членовите на Комисијата за надворепшна политика.
На агендата на седницата на Комисијата за финансирање и буџет се предлог-законите за изменување на Законот за Царинската тарифа, на Законот за издавање на обврзници на Република Северна Македонија за денационализација и на Законот за платниот промет, сите по скратена постапка, во второ читање.
На седницата на Комисијата за економски прашања се Предлог – финансиски план на Регулаторната комисија за енергетика и водни услуги на Република Северна Македонија за 2022 година и Предлог – одлука за утврдување на процентот на зафаќање од вкупниот годишен приход, за финансирање на работењето на Регулаторната комисија за енергетика и водни услуги на Република Северна Македонија за 2022 година.
Ново на Сител
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим
-
Преговорите за Влада во напредна фаза, ВМРО-ДПМНЕ инсистира на квалитетни кадри од албанскиот партнер
-
Во среда прегласување на седум избирачки места, од полноќ изборен молк
-
Предупредувања од Европската Комисија за Преспанскиот договор
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци