Се оградуваат Градските гробишта во Штип
Градските гробишта во Штип почнаа да се оградуваат, соопшти денеска директорот на ЈП „Исар“-Штип, Ангел Бојаџиев, а информираше дека проектот се реализира со заеднички средства на Општина и на ЈП „Исар“.
- Ќе се работи во делот на старите гробишта, но етапно сите гробни парцели ќе бидат заградени. Со ова подобро ќе се чуваат гробиштата. Целта на оградувањето е да ги заштитиме гробиштата и да ја тргнеме грдата мрежа која стои со години, вели Бојаџиев.
Раководителот на работна единица „Градски гробишта“ при ЈП „Исар“-Штип, Стефан Арсов истакна дека оградата ќе биде висока два метри, а ќе постават и порти на повеќе локации за олсенување на пристапот до парцелите.
-Досега имавме многу проблеми и од луѓе и од животни. Со оградувањето се надеваме дека инвестираме во заштита на имотот на граѓаните, вели Арсов.
Откако ќе се заврши оградувањето на гробиштата, истите ќе се заклучуваат во 17 часот во зимниот и во 21 часот во летниот период, поради заштита на предметите и имотот кои се дел од над 8.000 надгробни места. Во изминатите неколку месеци ЈП „Исар“ на градските гробишта инвестираше во изградба на нови паркинг места и во асфалтирање на улици и патеки.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата