СДСМ: ВМРО-ДПМНЕ 11 години го уништуваше судството
СДСМ во соопштение до медиумите наведува дека ВМРО-ДПМНЕ 11 години го погазуваше правниот поредок и дека реформите носат независно и професионално судство.
- ВМРО-ДПМНЕ 11 години го уништуваше судството и преку партизација на судските органи го погази правниот поредок. ВМРО-ДПМНЕ преку своите инсталации во sваровски судството цели 11 години нарачуваше и монтираше случаи и пресуди и на тој начин се пресметуваше со неистомислениците, се вели во соопштението.
Денес, како што стои во соопштението, единствените кои се исплашени од профункционирањето на правната држава се Никола Груевски и неговите соработници кои преку децениското криминално владеење им нанесоа огромни штети на граѓаните и државата.
- Владата предводена од СДСМ, во интерес на граѓаните, започнува реформски процес кој согласно европските пракси и препораките од Извештајот на Прибе, ќе донесе професионално, независно и неселективно судство, стои во соопштението.
Од СДСМ порачуваат дека наместо досегашното партизирано сваровски судство, Македонија ќе добие независно и професионално судство и дека Македонија мора да биде и ќе биде правна држава во која законите ќе важат за сите подеднакво без разлика на нивната етничка, верска, политичка или каква било припадност.
Ново на Сител
-
Приведени девет лица во акција за сузбивање на трговија со луѓе, меѓу жртвите има и малолетни лица | ВИДЕО
-
Лице од Скопје уапсено во Дебар бидејќи ја принудувал малолетната ќерка да питачи
-
Градоначалничката Арсовска нападната во Чаир при извршување на работни задачи
-
Косовскиот парламент не успеа да се конституира нитy по 45-ти пат
-
Куманово објави оглас за работно ангажирање на 30 пожарникари
-
ЦУК: Активни четири пожари на отворен простор, шест локализирани и два под контрола
-
29 надгробни плочи и споменици оштетени во рок од два дена на гробиштата во Ѓорче Петров
-
Кривична за наставничка од беровско која нападнала ученик