СДСМ: Владата за секое задолжување транспарентно ги известува граѓаните

Не постои поголемо задолжување од она што ВМРО-ДПМНЕ им го направи на граѓаните на Македонија за време на 11-годишното расипничко и криминално владеење, се наведува во реакцијата на СДСМ на изјавата на Лилјана Кузмановска од ВМРО-ДПМНЕ. 

- ВМРО-ДПМНЕ нетранспарентно и тајно ги задолжуваше граѓаните, а парите од задолжувањата ги користеше за лускуз, непродуктивни трошоци и сопствено криминално богатење, со што граѓаните и идните генерации ги задолжи со јавен долг од над 50 отсто од БДП, стои во реакцијата. 

За секое задолжување, како што се наведува, Владата транспарентно ги известува граѓаните и секој преземен чекор е во согласност со интересите на граѓаните.

- Заврши времето на децениското расипничко и нетранспарентно трошење на буџетските средства. За сите злоупотреби на пари на граѓаните, ќе следува одговорност, се вели во реакцијата на СДСМ.