СДСМ: Трошоците за почеток на учебната година колку минималната плата
Опозициската СДСМ денеска упати критики до власта за „концептот на бесплатно образование“ затоа што, како што соопшти, трошоците за почеток за учебната година за еден ученик изнесуваат колку минимална плата од 9.000 денари.
- За да ја започнат учебната година, родителите се изложени на огромни трошоци. Плаќаат за тетратки, ранци, осигурување, ужинка, за комплети за техничко образование и дневен престој. Во многу училишта од родителите се бара да платат за униформи, за обезбедување, но и за бели листови за копирање, за тоалетна хартија и сапун. Се' е тоа огромен товар на семејниот буџет, наведува во соопштение СДСМ.
Партијата прашува „како родителите да издвојат пари за сите трошоци, кога повеќе од половина од вработените се со плата пониска од 12.000 денари?
Од СДСМ истакнуваат дека кога ќе дошле на власт ќе го олеснеле товарот на родителите. - Ќе ја зголемиме минималната плата на 12.000 денари во 2017 година. Преку нова политика за стипендирање, ќе ги поттикнуваме талентираните но и децата од сиромашни семејства. За да ја намалиме детската сиромаштија, ќе воведеме програма за индивидуална поддршка на деца од семејства кои се во системот на социјална заштита и семејства со ниски примања, се вели во соопштението.
Ново на Сител
-
Државен завод за ревизија: Неефикасно управување и стопанисување со државниот недвижен имот
-
Германска влада: Украина ги исполнува условите да преговара за пристапување во ЕУ
-
Костадиновска Стојчевска поднесе претставка против Африм Гаши бидејќи прво ја прочитал заклетвата на албански
-
Советот на Општина Аеродром го донесе деталниот урбанистички план за дел од населбата Лисиче
-
Приведен криминалец баран по централна потерница, осуден на 10 години затвор
-
Meџити: Во новото мнозинство ќе бидат тројца-четворица пратеници од Европски фронт
-
Избор на нов претседател на Уставен суд
-
Во Лазарополе утрово најстудено, најмногу дожд во Дебар