Македонија
14. September 2021 - 10:11

СДСМ: Очигледно нон-пејперот е пишуван во штабот на ВМРО-ДПМНЕ, за да може Апасиев да шири лажни вести по социјалните мрежи

Секогаш кога се наближува изборно соочување со граѓаните, така се зголемува интензитетот на лажни вести, конструкции и измислици од страна на опозицијата.

Очигледно е дека фамозниот нон-пејпер е пишуван во штабот на ВМРО-ДПМНЕ, за да може Димитар Апасиев да шири лажни вести и да се радува на Фејсбук и другите социјални мрежи.

Што друго може да се очекува од политички партии кои наместо конкретни мерки и програми, нудат само лажни вести и невистини.

Водењето држава и општини е посложено од пишување статуси на Фејсбук и тоа граѓаните одлично го разбираат и затоа одново ќе го казнат нечесното и неодговорно дејствување.

Центар за комуникации со јавноста на СДСМ