СДСМ: Екстерното тестирање ќе биде укинато на првата владина седница
СДСМ денеска соопшти дека доколу добијат можност да ја формираат новата влада екстерното тестирање ќе го укинат на првата владина седница, како дел од пакетот реформи на партијата во образованието.
- Екстерното тестирање е еден од најлошите потези во образованието во Македонија, што не донесе никакви резултати во образовниот процес, освен што ги истрауматизира децата и учениците. Исто така, и служеше на досегашната неодговорна власт за притисоци врз наставниците и професорите, наведуваат од СДСМ.
Од партијата најавуваат квалитетно образование преку примена на успешен европски модел.
- Ќе го намалиме бројот на предмети со коишто се сега непотребно преоптоварени учениците. Ќе го намалиме и бројот на ученици во паралелка, најмногу на 25-мина, со цел квалитена настава. Ова се само дел од реформите во образованието што ќе ги направиме. Нашата цел е да создадеме успешен и стабилен образовен систем, заинтересирани ученици, мотивирани наставници и професори, спокојни родители, стои во соопштението.
Воедно, за сите реформи во образованието наведуваат дека ќе водат јавна расправа и консултации со сите засегнати страни во образовниот процес.
- Граѓаните затоа го поддржаа Планот за живот и гласаа за промени. Наша задача и обврска е од училишните и студенстките клупи да излегуваат успешни млади луѓе, конкурентни на пазарот на трудот, со желба да живеат и да работат во Македонија. И ќе го направиме. За тоа е потребна нова одговрна Влада на граѓаните на Република Македонија. Доаѓа живот! Во 2017 година почнуваме да го создаваме животот што го избравме, се наведува во соопштението на СДСМ.
Ново на Сител
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано
-
ЦУК: Пожарникари извлекувале човек паднат во река, вода од подруми, дворови, лифт
-
Најмногу дожд во Берово
-
Прегласување на седум избирачки места во петтата и шестата изборна единица во среда
-
Македонските одбојкари поразени и од Чешка во Европската златна лига