Саудиски принц: Ако Иран развие атомска бомба и ние ќе го сториме истото

Саудиска Арабија ќе развие атомска бомба доколку нејзиниот најголем непријател Иран го направи тоа, изјави саудискиот престолонаследник Мохамед бин Салман.

- Саудиска Арабија не сака да поседува атомска бомба, но без сомнение, доколку Иран развие нуклеарна бомба, веројатно набрзо потоа и ние ќе го следиме тој пример, изјави принцот во интервју за Си-Би-Ес, кое во целост ќе биде објавено в недела.

Саудиска Арабија, која е водечки извозник на нафта во светот, во повеќе наврати повторува дека сака нуклеарна технологија за мировни цели, но не прецизирала дали сака да збогатува ураниум за да произведува атомско гриво, процес кој може да биде искористен и за производство на нуклеарно оружје.