Сашо Милошевски го фати крстот во Кисела Вода, наградите ќе ги донира на социјални семејства
Триесет и едногодишниот Сашо Милошeвски беше најсреќен од 47-те верници, кои денеска во базенот „Расадник” во Кисела Вода, скокнаа да го фатат Светиот крст.
Милошевски посака здравје, среќа и успех за себе и за неговото семејство, а добиените награди, како што изјави, во духот на христијанството ќе ги донира на социјално загрозени семејства.
Градоначалникот Орце Ѓорѓиевски му честиташе на Милошевски и им се заблагодари на сите кои учествуваа во денешната манифестација. Потенцираше дека тие дадоа свој удел во идејата за обединување на народот и продолжување на вековната традиција на празнување на овој голем христијански празник.
– Исклучително важно ми е што денес, овде, во Кисела Вода, имавме вистинско обединување. Сакам да ги поздравам за својата храброст сите оние кои денес се фрлаа по крстот и воедно, да му честитам на оној кој што го фати крстот, Сашо. Добар гест е она што го направи, во духот на православието, да ги донира овие работи што ги доби денес од општината и нашите општествено одговорни компании. Ова е една традиција која што беше замрена со години наназад во општина Кисела Вода. Драго ми е што има ваков одѕив, имаше присутни над 500-тини наши сограѓани. Се надевам дека ова ќе премине во вистинска традиција, рече Ѓорѓиевски.
Бројката на пријавени за фаќање на крстот, како што рече, ги надминала очекувањата.
– На почетокот мислевме дека нема да има повеќе од десетмина, но мислам дека беа вкупно 47 пријавени, рече Ѓорѓиевски.
На чинот на положување на крстот му претходеше света литургија со која чиноначалствуваше отецот Благоја од црквата Св. Ѓорѓија. За најсреќниот Сашо Милошевски беа обезбедени средства во висина од 12.000 денари од општината, икона, апарати за домаќинстово и вредносни ваучери од повеќе општествено одговорно компании.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп